एलभी किसन चेम्जोङकै गाउँ जाँते २ मोरङमा एक कार्यक्रम गरी उनलाई आफ्नो घर परिवारमा पुर्‍याइएको हो । घाइते किसनको उपचारको लागि मञ्चसम्बद्ध संघीय लिम्बुवान राज्य परिषद सुनसरी जिल्ला कार्य समिति र काठमाडौं उपत्यका सम्पर्क कार्य समितिले विशेष योगदान पुर्‍याएका थिए । उनको उपचारका लागि मंचसम्बद्ध लिम्बुवान काठमाडौ उपत्यका, यूके, हङकङ र कतारसम्पर्क समितिले विशेष आर्थिक सहयोग पुर्‍याएको छ ।

सोही बस दुर्घटनामा परी एलभीहरु विजय आङ्देम्बे र विवेक चेम्जोङले उपचारकै क्रममा ज्यान गुमाएका छन् । यो दुर्घटनामा परी ४३ भन्दा धेरै कार्यकर्ताहरु घाइते भएका थिए । घाइतेहरुमध्ये निज किसन चेम्जोङको ढाड फ्रयाक्चर भई सख्त घाइते भएका हुन् । लगातार तीनमहिनामा लाखौंको उपचारपछि उनी बैशाखीको सहाराले हिँड्न सक्ने भएका छन् ।

घाइते किसन चेम्जोङलाई लिम्बुवान उपत्यका सम्पर्क कार्य समितिका अध्यक्ष शिवकुमार पाङ्गेनहाङ लिम्बू र एलभी केन्द्रीय उप-कमाण्डर मुक्साम लाबुङले काठमाडौंबाट मोरङ जाँतेसम्म पुर्‍याएका छन् । मिति२०६८ भाद्र १६ गते मोरङ जाँतेस्थित् घाइते किसन चेम्जोङको घरमा एक कार्यक्रम गरी उनलाई परिवारसमक्ष बुझाइको हो । उक्त अवसरमा सोही ठाउँमा मोरङ जिल्ला कार्य समिति र जाँते गाउँ कार्य समितिले एक कार्यक्रम गरी उनको उपचारमा विशेष योगदान पुर्‍याउने व्यक्तित्व तथा समितिहरुलाई विशेष सम्मानसमेत गरिएको थियो ।

लिम्बुवान जाँते गाउँ कार्य समितिका अध्यक्ष सुमन चेम्जोङको अध्यक्षतमा सम्पन्न किसनको स्वागत तथा धन्यवाद ज्ञापन गर्ने कार्यक्रमका प्रमुख अतिथि मञ्चसम्बद्ध संघीय लिम्बुवान राज्य परिषदका वरिष्ठ उपाध्यक्ष ज्ञानबहादुर गुरुङ रहेका थिए । अतिथिहरुमा केन्द्रीय सचिवालय सदस्य नोनाम निङ्लेकू, के. सचिवालय सदस्य तथा संघीय धिमाल स्वायत्त परिषदका अध्यक्ष बाङ्गाई धिमाल, के. सचिवालय सदस्य विशेन्द्र चेम्जोङ, के. स. तथा मोरङ जिल्ला इञ्चार्ज अशोक चेम्जोङ, के.स. तथा उपत्यका अध्यक्ष शिवकुमार पाङ्गेनहाङ लिम्बू, संघीय धिमाल स्वायत्त परिषदका सचिव मातृका धिमाल, सुनसरी जिल्ला अध्यक्ष डम्बर खजुम, एलभी के. उप-कमाण्डर मुक्साम लाबुङ, राष्ट्रिय पार्षद अमृत मादेन, राष्ट्रिय पार्षद किसन राई, एलभी केन्द्रीय उप-कमाण्डर जितु धिमाल, एलभी मोरङ जिल्ला इञ्चार्ज युद्व लिम्बू, दमक नगर इञ्चार्ज मोहन बेघा, मोरङ जिल्ला अध्यक्ष देउकुमार पन्धाक लिम्बू, मोरङ जिल्ला सदस्य भगिराज तुम्सा र युवा मञ्च सुनसरी अध्यक्ष नितेश सिङगकलगायत रहेका थिए ।

लिम्बुवान मोरङ क्षेत्र नं. ९ का सचिव जीवन खेवाद्वारा स्वागत मन्तव्यले स्वागत गरिएको सो कार्यक्रममा घाइते किसनको उपचारमा विशेष सहयोग पुर्‍याउने के.स. तथा उपत्यका अध्यक्ष शिवकुमार पाङ्गेनहाङ लिम्बू, सचिवालय सदस्य विशेन्द्र चेम्जोङ, एलभी उप-कमाण्डर मुक्साम लाबुङ, र जिल्ला अध्यक्ष डम्बर खजुममार्फ् सुनसरी जिल्ला कार्य समितिलाई सम्मान-पत्र प्रदान गरी ढाका ओडाएर प्रमुख अतिथि ज्ञानबहादुर गुरुङबाट सम्मानसमेत गरिएको थियो । साथै, उपत्यका उपाध्यक्ष तथा के. स. विष्णुकुमार यक्सो, उपत्यका उपाध्यक्ष तथा राष्ट्रिय पार्षद सेमिमा तुम्बाहाङ्फे र उपत्यका सचिव तथा राष्ट्रिय पार्षद पदम तुम्बाहाङ्फेलाई पनि घाइतेको उपचारमा विशेष योगदान पुर्‍याएकोमा प्रशंसा-पत्र प्रदान गरेर सम्मान गरिएको छ ।

कार्यक्रममा उपत्यका अध्यक्ष शिवकुमार पाङ्गेनहाङमार्फत घाइते किसनलाई आवश्यक सामग्री र औषधीहरुसमेत परिवारलाई हस्तान्तरण गरियो ।

सो कार्यक्रममा डम्बर खजुम, देउमान पन्धाक, शिवकुमार लिम्बू, मुक्साम लाबुङ, र विशेन्द्र चेम्जोङले घाइते किसनलगायतको उपचारमा भोग्नु परेको कष्ट र अनुभूतिहरु सेयर गरेका थिए । प्रमुख अतिथि लिम्बुवानका वरिष्ठ उपाध्यक्ष ज्ञानबहादुर गुरुङले सोही दुर्घटनामा परी ज्यान गुमाएका एलभी शहीदहरु विजय आङ्देम्बे, विवेक चेम्जोङ र दर्जनौं अन्य घाइतेहरुको सम्झना र सम्मानभाव व्यक्त गर्दै लिम्बुवानले यी योद्धाहरुको योगदानलाई कहिल्यै नबिर्सने प्रतिवद्धता जनाउनु भयो । साथै, शहीद परिवार र अन्य घाइते परिवारलाई पनि लिम्बुवानले यथासीघ्र सक्दो आर्थिक-भौतिक सहयोग गर्नेसमेत प्रतिवद्धता जनाउनु भयो । यसरी नै वहाँले अब लिम्बुवान राज्य प्राप्तिको आन्दोलन व्यापक हुँदै गएकोले कोही पनि योद्धाहरुले उपचारको अभावमा त्यसै ज्यान गुमाउनु पर्ने अवस्था नआउने बताउनु भयो । वहाँले घाइते किसनलगायतको उपचारमा विशेष आर्थिक, भौतिक र शारीरिक सहयोग गर्नुहुने देश-विदेशका शुभेच्छुक व्यक्तित्व र लिम्बुवानका सम्पर्क समितिहरुलाई हार्दिक आभार व्यक्त गर्दै विशेष धन्यवादसमेत दिनुभयो ।

घाइते किसनको आमा प्रीतिमाया लिम्बूको अगुवाईमा विशेष स्वागत गरिएको सो कार्यक्रमको सञ्चालन लिम्बुवानका सचिवालय सदस्य तथा एलभी कमिसार प्रेमदीप थाम्सुहाङले गरेका थिए ।

- विशेन्द्र चेम्जोङ, लिम्बुवान/डीबी आङ्बुङ, काठमाडौं

जिल्ला अध्यक्षः ज्ञानबहादुर गुरूङ, जिल्ला: प्रथम उपाध्यक्ष तथा आन्दोलन संयोजक मञ्च सम्बद्ध संघीय लिम्बुवान राज्य परिषद केन्द्रीय कार्य समिति लिम्बुवान, नेपाल

- डीबी आङ्बुङ, फोटोः चन्द्रा नेम्बाङ

संघीय लोकतान्त्रिक राष्ट्रिय मञ्च सम्बद्ध संघीय लिम्बुवान राज्य परिषद मातहतको लिम्बुवान भोलेन्टियर्स केन्द्रीय उप-कमान्डर प्रेम तुम्बापोको प्रमुख आतिथ्यमा मोरङ जिल्लाको टाँढी गाविस वार्ड नं. ४ ढाँडे गाउँमा प्राइमरी कमाण्ड इञ्चार्ज, प्राइमरी कमान्डर, प्राइमरी सहायक कमान्डरलगायत २१ सदस्यीय एल. भी. प्राइमरी कमाण्ड गठन भएको छ । उक्त कमाण्ड गठन कार्यक्रमका अतिथि मञ्च सम्बद्ध संघीय लिम्बुवान राज्य परिषदका केन्द्रीय सदस्य अशोक चेम्जोङले संघीयता र भावी लिम्बुवानका साथै संविधानमा लिम्बुवान राज्य सुनिश्चित गर्नको निमित्त गरिँदै आएको चरणवद्ध शान्तिपपूर्ण आन्दोलनको विषयमा प्रकाश पार्नुभएको थियो । नव निर्वाचित प्राइमरी कमाण्ड इञ्चार्ज पूर्ण राइले मन्तव्य जाहेर गर्दै लिम्बुवान मुक्तिका लागि सङ्गठनको विधानसम्मत रहेर लिम्बुवान प्राप्तिका लागि आन्दोलित हुन सम्पूर्ण ढाँडे गाउँवासीलाई सामूहिक नेतृत्वको विकास गर्दै अघि बढ्ने र लिम्बुवानी आन्दोलनलाई अघि बढाउने क्रममा आउँदो वैशाख महिनाको पहिलो हप्तामा एक लिम्बुवानी साँस्कृतिक कार्यक्रम गर्नेसमेत प्रतिवद्धता जनाउन भयो । नव गठित सङ्गठनमा एल. भी. प्राइमरी कमाण्डमा इञ्चार्ज पूर्ण राइ, प्राइमरी कमान्डर किरण राइ, प्राइमरी सहायक कमान्डर जीतबहादुर राइ र एलभीहरू अनिल बी. क., लोकेन्द्र राइ, सन्तोष राइ, हर्क बी. क., पूर्ण धमला, बलबहादुर बी. क., दीपक सेंचौरी, मिलन बी. क., गमू र्राई, सन्त र्राई, इशा राइ, लंका राइ, र बबीन राइ, बिपना धमला रहेका छन् । यसैगरी, दलबहादुर धमलालाई सल्लाहकारमा राखिएको छ ।
- प्रेम तुम्बापो, मोरङ, लिम्बुवान

लिम्बुवान २६ माघ २०६७, एकात्मक मतदाता नामावली सङ्कलन कार्यको विरुद्धमा संघीय लोकतान्त्रिक राष्ट्रिय मञ्चसम्बद्ध संघीय लिम्बुवान राज्य परिषदले सञ्चालन गरिरहेको शान्तिपूर्ण विरोध आन्दोलनमा माघ २२ गते धनकुटाको सीडीओ, डीएसपी र लिम्बुवान विरोधी एमालेहरुले मिलेर उल्लङ्घन गरी गाडी जलाएपछि लिम्बुवानको अनिश्चितकालीन आन्दोलन झन चर्किरहेको छ ।

शान्तिपूर्ण आन्दोलनलाई आफैले उल्लङ्घन गर्ने, जबर्जस्ती गाडी चलाउने अनि जलाउने र त्यसको क्षतिपूर्ति लिम्बुवान कार्यकर्ताबाट असुल्ने षडयन्त्रको विरुद्धमा मञ्चसम्बद्ध संघीय लिम्बुवान राज्य परिषदले आह्वान गरेको अरुणपूर्व ९ जिल्ला लिम्बुवान सडक बन्द कार्यक्रम जारिरहेको छ र माग पूरा नभएइञ्जेल अनिश्चितकालसम्म जारिरहने माघ २६ गते लिम्बुवानद्वारा प्रेसित विज्ञप्तिमा जनाइएको छ । 

संघीय लोकतान्त्रिक राष्ट्रिय मञ्च तथा मञ्चसम्बद्ध संघीय लिम्बुवान राज्य परिषदका अध्यक्ष कुमार लिङ्देन “मिराक” द्वारा हस्ताक्षतिर बुधबार प्रेसित विज्ञप्तिमा जनाइए अनुसार हालसम्म लिम्बुवानका विभिन्न स्थानबाट एकात्मक प्रहरी प्रशासनद्वारा गिरफ्तार गरिएका नेता तथा कार्यकर्ताहरुमा मिति २०६७।१०।२२ गते धनकुटामा झूटा मुद्दा लगाई पक्राउ गरिएका परिषदका नेता तथा कार्यकर्ताहरु चन्द्रसिङ नेम्बाङ, इन्द्र रसाइँली, फौदसिङ चोङ्बाङ र गंगाहाङ तिगेला रहेका छन् । त्यसैगरी, मिति २०६७।१०।२५ मा इटहरी सुनसरीबाट पक्राउ गरिएका परिषदका नेता तथा कार्यकर्ताहरु तागेरा लिम्बू, युशन लिम्बू, विशाल कार्की, सुवास श्रेष्ठ र सङ्गम श्रेष्ठ छन् । साथै, मिति २०६७।१०।२६ मा मोरङको पथरीबाट पक्राउ गरिएका परिषदका नेता तथा कार्यकर्ताहरु अशोक चेम्जोङ, वीरबहादुर घिसिङ, प्रितम फागो, डिकबहादुर साँवा, सुवास कुरुम्बाङ मछिन्द्र नाल्बो र सानुबाबा सुब्बासमेत गरी जम्मा १६ जना भएका छन् ।
सोही प्रेस विज्ञप्तिमा उल्लेख भएअनुसार मञ्चसम्बद्ध संघीय लिम्बुवान राज्य परिषदका मागहरुमा- पक्राउ गरिएका परिषदका नेता तथा कार्यकर्ताहरुमाथि लगाएइको झूटा मुद्दा खारेज गरी अविलम्ब रिहा गर्नुपर्ने;
धनकुटामा रहेको परिषदका केन्द्रीय सदस्य इन्द्र रसाइँलीको घर र परिषदको कार्यालय तोडफोड गर्नेमाथि तुरुन्त कानुनी कार्वाही गर्नुपर्ने र एकात्मक मतदाता नामावली सङ्कल कार्य तुरुन्त बन्द गरी अरुणपूर्व ९ जिल्ला लिम्बुवान स्वायत्त राज्यको संवैधानिक घोषणा गर्नुपर्नेलगायत रहेका छन् ।
उक्त प्रेस विज्ञप्तिमार्फत् सार्वजनिक लिम्बुवानका थप आन्दोलनका कार्यक्रमहरुमा मिति २०६७ माघ २७ गतेदेखि अरुणपूर्व लिम्बुवानका सम्पूर्ण शैक्षिक संस्थाहरु माग पूरा नभएसम्म बन्द गरिने,
मिति २०६७ माघ २७ गते अरुणपूर्व ९ जिल्लाका सबै गा.वि.स. तथा नगरपालिकाका कार्यलयहरुमा तालाबन्दी गरी कालो झण्डा गाडिने र मिति २०६७ माघ २५ गतेदेखिको लिम्बुवान सडक बन्द कार्यक्रम माग पूरा नभएसम्म अनिश्चितकालका लागि जारी रहनेलगायत रहेका छन् ।
साथै, लिम्बुवानका मागहरु यथासीघ्र पूरा नभए थप आन्दोलनहरु घोषणा गरिनेसमेत विज्ञप्तिमा उल्लेख छ ।

- डीबी आङ्बुङ

तामाङसालीङ २७ माघ २०६७, संघीय लोकतान्त्रिक राष्ट्रिय मञ्चसम्बद्ध संघीय लिम्बुवान राज्य परिषद्ले निवार्चन आयोगद्वारा कुबेलामा गरिएको संघीयताको उपहास गर्ने एकात्मक शैलीको फोटोसहितको मतदाता नामावली सङ्कलन कार्य विरुद्धमा अरुणपूर्व ९ जिल्ला लिम्बुवानको संवैधानिक घोषणाको मागसहित गरिरहेको शान्तिपूर्ण आन्दोलनप्रति सरकारले सम्बोधन गर्नुको साटो निर्मम दमन र धरपकड गरिरहेकोभन्दै माच सम्बद्ध तामाङसालीङ स्वायत्त राज्य परिषदको पनि गम्भीर ध्यानाकर्षण भएको जनाएको छ ।
मञ्चसम्बद्ध संघीय लिम्बुवान राज्य परिषदले निर्वाचन आयोगले गरेको फोटोसहितको मतदाता नामावली सङ्कलन कार्यको शुरुदेखि नै विरोध गर्दै आएमा सो आन्दोलनप्रति माचसम्बद्ध तामाङसालीङ स्वायत्त राज्य परिषदले विहीबार एक प्रेस विज्ञप्ति जारी गरी पूर्ण ऐक्यवद्धतासहित समर्थन गरेको छ ।
तामाङसालीङ स्वायत्त राज्य परिषदका उपाध्यक्ष सिङमान तामाङ “ख्युङ्बा”द्वारा हस्ताक्षरित उक्त विज्ञप्तिमा भनिएको छ- “निर्वाचन आयोगद्वारा संघीयता र नयाँ संविधान बन्ने कार्यको उपहास गर्दै एकात्मक शैलीमा गरिरहेको उक्त कार्यको विरोध गर्दै मञ्चसम्बद्ध संघीय लिम्बुवान राज्य परिषदले लिम्बुवानको ९ वटा जिल्लाहरुमा प्रत्येक दिन आधाघण्टा चक्काजाम गर्ने शान्तिपूर्ण आन्दोलन गरिहेको थियो । उक्त शान्तिपूर्ण आन्दोलनमा सहभागी भएका दुई दर्जनभन्दा बढी नेता तथा कार्यकर्ताहरुलाई माघ २१ गतेदेखि निरन्तर रुपमा धनकुटा सुनसरी र मोरङका विभिन्न ठाउँबाट त्यहाँको सीडीओ र डीएसपीको आदेशमा पक्राउ गरी सार्वजानिक मुद्दा लगाएकोप्रति मञ्चसम्बद्ध तामाङसालीङ स्वायत्त राज्य परिषद् घोर भर्त्सना र विरोध गर्दै सरकारको ध्यानाकर्षण गराउन चाहन्छ ।”
साथै, तामाङसालीङ स्वायत्त राज्य परिषदले उक्त आन्दोलनमा थप क्षति हुन नदिई लिम्बुवानकॊ मागलाई सम्बोधन गर्दै पक्राउ गरिएका नेता तथा कार्यकर्ताहरुलाई लगाइएको झूटा मुद्दा अविलम्ब खारेज गरी विनासर्त तुरुन्त रिहाई गर्न सरकारलाई आग्रह गरेको छ । अन्यथा, मञ्चसम्बद्ध तामाङसालीङ स्वायत्त राज्य परिषद् पनि चरणवद्ध आन्दोलनमा उत्रन बाध्य हुनेसमेत जनाएको छ ।

- सिङमान तामाङ

DB Angbung

नेवाः काठमाडौं २७ माघ २०६७, संघीय लिम्बुवान राज्य परिषद उपत्यका सम्पर्क कार्य समिति काठमाडौंले मातृ सङ्गठन संघीय मञ्चसम्बद्ध संघीय लिम्बुवान राज्य परिषदले लिम्बुवानमा सञ्चालन गरिरहेको निर्वाचन आयोगको फोटोसहितको मतदाता नामावली सङ्कलनको विरोध र लिम्बुवान स्वायत्त राज्यको संवैधानिक घोषणाको लागि भइरहेको आन्दोलनप्रति एक प्रेस विज्ञप्ति जाहेर गर्दै समर्थ्रन र सहयोग गर्ने बताएको छ ।

लिम्बुवान उपत्यका सम्पर्क कार्य समितिका कार्यवाहक अध्यक्ष विष्णुकुमार यक्सो र सचिव पद्मसुन्दर तुम्बाहाङ्फेद्वारा संयुक्त हस्ताक्षरित विज्ञप्तिमा भनिएको छ- “संघीय लोकतान्त्रिक राष्ट्रिय मञ्चसम्बद्ध संघीय लिम्बुवान राज्य परिषदले शुरुदेखि नै औंठाछाप र फोटोसहितको एकात्मक निर्वाचन मतदाता नामावली सङ्कलन कार्यको विरोध गर्दै आएको कुरा सर्वविदितै छ । तथापि, नेपालको एकात्मक राज्यसत्ता तथा निर्वाचन आयोगले लिम्बुवानको यी सबै कुराको बेवास्ता गरी एकपक्षीय ढङ्गले मतदाता नामावली सङ्कलन कार्य अगाडि बढाइरहेको छ । निर्वाचन आयोगको उक्त कार्यको विरोधमा प्रत्येक दिनको आधाघण्टा चक्काजाम गर्ने आन्दोलनको अति सरलशैली अपनाइरहेको अवस्थामा गत माघ २१ गते धनकुटामा त्यहाँको सीडीओ र डीएसपीको प्रत्यक्ष निर्देशनमा निर्मम दमन गरियो । सो दमनको विरुद्धमा माघ २२ गतेदेखि अनिश्चितकालीन धनकुटा जिल्ला बन्दको आह्वान गरिएको थियो ।”

विज्ञप्तिमा लिम्बुवानको शान्तिपूर्ण बन्दलाई धनकुटा प्रशासन र त्यहाँका नेकपा एमालेका लिम्बुवान विरोधी कार्यकर्ताहरुले बन्द उल्लङ्घन गर्ने योजना बनाई बन्दको अवज्ञा गर्दै जबर्जस्त गाडी चलाएको कुरा उल्लेख छ । र उनीहरु आफैले नै माइक्रोबसमा आगजानी गरी गाडी आगजनीपछि त्यहाँको एमाले कार्यकर्ता र प्रशासनले लिम्बुवान आन्दोलनलाई निष्तेज पार्न उल्टै क्षतिपूर्तिको माग गर्दै आफ्ना नेता तथा कार्यकर्ताहरुलाई सार्वजनिक मुद्दा लगाउनेजस्ता अति घृणित कार्यहरु गरिरहेको उल्लेख छ । उक्त कार्यको मञ्चसम्बद्ध संघीय लिम्बुवान राज्य परिषद उपत्यका सम्पर्क कार्य समिति घोर आपत्ति जनाउँदै यस प्रकारको कुनै पनि घृणित कार्यको पक्षमा कसैसँग सम्झौता नगर्ने प्रण गर्दै केन्द्रीय समितिलाई सो आग्रहसमेत गरेको छ । साथै, निर्वाचन आयोगको मतदाता नामावली सङ्कलन कार्य लिम्बुवान र सरकारबीचमा २०६४ फागुन १८ गते भएको पाँचबुँदै सहमतिविपरीत भएको तथा नेपालको अन्तरिम संविधान २०६३ मै राज्यको संघीय शासनप्रणालीसहितको पुनर्संरचना गरिने भन्ने उल्लेख भएकोले यो एकात्मक शैलीको मतदाता नामावली सङ्कलन अन्तरिम संविधानको मर्मविपरीतसमेत भएको जनाएको छ ।

परिषद उपत्यका सम्पर्क कार्य समिति काठमाडौंले पहिले अरुणपूर्व ९ जिल्ला लिम्बुवान स्वायत्त राज्यको रुपमा घोषणा गरियोस् अनिमात्रै मतदाता नामावली सङ्कलन कार्य गरिनुपर्दछ भन्दै त्यसो नभए निर्वाचन आयोगको उक्त कार्य लिम्बुवानको हितविपरीत हुने भएकोले सो सरकारको एकपक्षीय नीतिप्रति मञ्चसम्बद्ध संघीय लिम्बुवान राज्य परिषद उपत्यका सम्पर्क कार्य समितिले घोर निन्दा गरेको छ ।

शान्तिपूर्ण आन्दोलन भइरहेको स्थानमा बन्द आन्दोलनको अवज्ञा गर्दै भिजिलान्ते शैलीमा शान्तिपूर्ण आन्दोलन क्षेत्रभित्र छिरेर आफै तोडफोट तथा आगजानी गर्दै कहीँ नभएको बखेडा झिकेर लिम्बुवान र लिम्बुवानी नेता तथा कार्यकर्ताहरुलाई झुक्याई लिम्बुवानको आन्दोलनलाई कमजोर बनाउन खोज्ने कुनै पनि तत्वहरुको षडयन्त्रपूर्ण व्यवहारको मञ्चसम्ब्द्ध संघीय लिम्बुवान राज्य परिषद उपत्यका सम्पर्क कार्य समितिले घोर विरोध र भर्त्सना गरेको छ । साथै आन्दोलनको क्रम्मा पक्राउ परेका लिम्बुवानका नेता तथा कार्यकर्ताहरुलाई विनासर्त तत्काल रिहाई गर्न माग गर्दै त्यसो नभए शान्तिपूर्ण आन्दोलनको सिद्धान्त अङ्गालेर हिँड्ने मञ्चसम्बद्ध संघीय लिम्बुवान राज्य परिषद उपत्यका सम्पर्क कार्य समिति जस्तोसुकै मुल्य चुकाउनसमेत बाध्य हुने जनाएको छ ।

- डीबी आङ्बुङ

- डीबी आङ्बुङ

सङ्खुवासभा, लिम्बुवान
संघीय लोकतान्त्रिक राष्ट्रिय मञ्च सम्बद्ध संघीय लिम्बुवान राज्य परिषद सङ्खुवासभामा जिल्ला कार्य समितिको आयोजनामा सङ्खुवासभाको बाह्रबीसे, सिद्धपोखरी र नुनढाकीमा लिम्बुवानी आमसभा सन्पन्न भएको छ ।
पुस २५ गते सङ्खुवासभाको बाह्रबीसे बजारमा गंगा थोप्राको अध्यक्षतामा, पुस २८ गते सिद्धपोखरी ५ को बत्तासेमा श्याम वनेमको अध्यक्षता र पुस २९ गते नुनढाकी १ को विहीबारे बजारमा देवेन्द्र थक्लुङ लिम्बूको अध्यक्षतामा उक्त आमसभाहरु सम्पन्न भएका हुन् ।
तीनवटै आमसभाहरुलाई प्रमुख अतिथिको रुपमा संघीय लोकतान्त्रिक राष्ट्रिय मञ्च तथा मञ्च सम्बद्ध संघीय लिम्बुवान राज्य परिषदका अध्यक्ष कुमार लिङ्देन ‘मिराक’ले सम्बोधन गरेका थिए । सम्बोधनकाक्रममा प्रमुख अतिथि मिराकले स्वायत्त राज्यहरुको निर्माणमा इतिहासनै मुख्य आधार हुने कुरा बताउनु भयो । एकसय वर्षपछि हङकङ र मकाउ इतिहासकै आधारमा मुख्य भूमि चीनसँग समाहित भएको भन्दै यसरी हङकङ र चीनमा समाहित हुनुमा इतिहासकै मुख्य भूमिका भएको बताए । त्यसरी नै सङ्खुवाखोला-अरुण-सप्तकोशीपूर्वको नौ जिल्लाको भूमिलाई ऐतिहासिक पृष्ठभूमिको आधारमा लिम्बुवान स्वायत्त राज्य घोषणा गरिनुपर्ने कुरामा जोडदिँदै सोका लागि सशक्त सङ्घर्षमा उत्रन सङ्खुवासभावासीलाई आह्वान पनि गर्नुभयो । अतिथि मिराकले थपे “यस क्षेत्रमा लिम्बुवानको इतिहास जिउँदो छ । यो इतिहासलाई कायम गर्न सबै लागिपर्नुपर्ने बताउनु परौं । सङ्खुवासभाका सबै भूभागलाई लिम्बुवानमै समाहित गर्न गराउन प्रतिवद्धता जाहेर गरौं ।”
संविधान सभा राज्य पुनसंरचना समितिले लिम्बुवानको सङ्खुवासभालाई तीनटुक्रामा विभाजित गरेकोमा असमति जनाउँदै र त्यसलाई सच्याउन दवाब दिन सो कार्यक्रमहरु आयोजना गरिएको कुरा मञ्च सम्बद्ध लिम्बुवान सङ्खुवासभाका अध्यक्ष इन्द्रमान लिङ्थेपले बताएका थिए ।
यसैगरी, सोही आमसभाहरुमा सङ्खुवासभाको केही भू-भागलाई टुक्राएर अन्य प्रदेशमा गाभेको विरोधमा परिषदका केन्द्रीय उपाध्यक्ष ज्ञानबहादुर गुरुङ, सचिवालय सदस्यहरु प्रेमदीप थाम्सुहाङ र शान्ता योङहाङ तथा एलभी कमाण्डर मुक्साम लाबुङ र लिम्बुवान युवा मञ्चका सुनिल खेवालेसमेत बोलेका थिए ।
विभिन्न र्याली नारा जुलुश र साँस्कृतिक कार्यक्रमका साथ सम्पन्न उक्त लिम्बुवान सङ्खुवासभा मिशनलाई मञ्चसम्बद्ध संघीय लिम्बुवान राज्य परिषद सङ्खुवासभा जिल्ला कार्य समितिका अध्यक्ष इन्द्रमान लिङ्थेपले नेतृत्व गरेका थिए । योभन्दा पहिले लिम्बुवान मिशन डीएसअन्तर्गत लिम्बुवानी सेनापति काङसोरेले एकात्मक शासक पृथ्वीनारायण शाहका सेनाहरुसँग सङ्घर्ष गर्दा सहादत प्राप्त गरेको ठाउँ सभाया खोला-अरुण नदीको किनारमा श्रद्धाञ्जलि सभा र खाँदबारीमा लिम्बुवानी आमसभा गरिएको थियो । अब अन्य ठाउँमा पनि लिम्बुवानी आमसभाहरु आयोजना गर्दै जानेसमेत परिषद सङ्खुवासभाका अध्यक्ष इन्द्रमान लिङ्थेपले जनाएका छन् ।

- डीबी आङ्बुङ/फोटोः मुक्साम लाबुङ, लिम्बुवान

संघीय लोकतान्त्रिक राष्ट्रिय मञ्च सम्वद्ध संघीय लिम्बुवान राज्य परिषद हङकङ प्रवास कार्य समितिले यही जनवरी २ तारिखका दिन “संघीयता गणतन्त्र धर्मनिरपेक्षता र निर्णायक अरुण-सप्तकोशीपूर्व नौ जिल्ला लिम्बुवान स्वायत्त राज्य स्थापनको लागि लिम्बुवान आमसभा” भन्ने व्यानर र नाराका साथ हङकङमा भव्य लिम्बुवानी आमसभा सम्पन्न गरेको छ ।

हेनरी जी ल्योङ कम्युनिटी सेन्टर याउ मा तेई ,हङकङमा आयोजिक उक्त आमसभामा प्रमुख अतिथि संघीय लोकतान्त्रिक राष्ट्रिय मञ्च तथा मञ्च सम्वद्ध संघीय लिम्बुवान राज्य परिषदका अध्यक्ष कुमार लिङ्देन ‘मिराक’ले आभसभालाई सम्बोधन गर्दै अहिलेको सन्दर्भमा नेपालको संघीय लोकतान्त्रिक गणतन्त्रात्मक-धर्मरिपेक्ष राज्यको संविधान बन्ने सवाल महत्वपूर्ण विषय रहेको बताए । संविधानसभाद्वारा बन्ने संविधानमा संघीयता, गणतन्त्र, धर्मनिरपेक्षता तथा आत्मनिरर्णयको अधिकार र स्वशासनसहितको सङ्खुवा-अरुण-सप्तकोशीपूर्व नौ जिल्ला लिम्बुवान स्वायत्त राज्यको संवैधानिक सुनिश्चितता गर्न-गराउनका लागि आफूहरुले लिम्बुवान आन्दोलन अघि बढाइरहेको कुरा जानकारी गराए । सम्बोधनकै क्रममा प्रमुख अतिथि लिङ्देनले संसारको जुनसुकै ठाउँमा पुगे-रहे पनि लिम्बुवान आन्दोलनसँग जोडिऔं भनी सम्पूर्ण लिम्बुवानवासीहरुमा अनुरोध गरे । यसरी नै नेपालमा लिम्बुवान स्वायत्त राज्य स्थापना भएर यसले प्रगति र उन्नतिको शिखर चढ्नसके सबै लिम्बुवानवासीहरुको माङ्गेन्ना (गरिमा) उठ्ने निश्चित भएको विचार पनि व्यक्त गरे । साथै, प्रमुख अतिथि लिङ्देनले हङकङमा रहेका सम्पूर्ण लिम्बुवानवासी दाजुभाइ तथा दिदीबहिनीहरुले अरुणपूर्व नौ जिल्ला लिम्बुवान प्राप्त गर्ने आन्दोलनमा सबै प्रकारले सक्रियता देखाउँदै साथसहयोग गर्नुहुनेछ भन्ने आसा पनि व्यक्त गरे ।

उक्त आमासभामा लिम्बुवानका विदेश सचिव विशेन्द्र चेम्जोङ, सनराइज साप्ताहिकका सम्पादक भुपेन्द्र चेम्जोङ, एनेकपा माओवादीका हङकङ सचिव पूर्ण लक्सम, लिम्बुवान राष्ट्रिय मुक्ति मोर्चाका जेबी ओख्राबो, बुद्धिजिवीहरु टेक चोङ्बाङ, उत्तरमान तिगेला, टंक सम्बाहाङ्फे, दिनेश सुब्बा, किसन राई, किरात धर्म तथा साहित्य उत्थान सँघ हङकङका सचिव इन्द्र लक्सम र लिम्बुवानी वरिष्ट गायक तथा बुद्धिजिवी लाजेसा याक्थुङ्बा ‘फेदापहाङ’ले पनि सम्बोधन गर्नुभएको थियो । बुद्धिजिवी तथा गायक लाजेसा याक्थुङ्बा ‘फेदापहाङ’ले उक्त आमसभालाई सम्बोधन गर्नेक्रममा सो कार्यक्रममा उपस्थितिको हिसाबले हङकङमा अहिलेसम्मकै व्यापक र भव्य रहेको बताए । साथै, वहाँले लिम्बुवानमा अहिले जतिसुकै लिम्बुवान नामधारी सङ्गठनहरु रहेपनि आखिरमा यही मञ्च सम्बद्ध लिम्बुवानको नेतृत्वमा एकहुँदै लिम्बुवानको बिँडो थाम्ने र लिम्बुवान प्राप्त गरेरै छोड्ने विश्वास पनि व्यक्त गरे ।

संघीय मञ्च सम्ब्द्ध संघीय लिम्बुवान राज्य परिषद प्रवास कार्य समिति हङकङका अध्यक्ष तथा लिम्बुवानका केन्द्रीय सदस्य नवराज काम्बाङको अध्यक्षतामा सम्पन्न उक्त लिम्बुवानी आमसभामा सल्लाहकार प्रदीप कन्दङ्वाले स्वागत मन्तव्य गर्नुभएको थियो भने कार्यक्रमको सञ्चालन सचिव श्याम इङ्नामद्वारा गरिएको थियो ।

- नवराज काम्बाङ, हङकङ/ डीबी आङ्बुङ लिम्बुवान, नेपाल